'DIE BLYE BOODSKAP VAN JESUS CHRISTUS'

Die drie Aartsengele wat die Kerk by die naam vereer, is Sint Michael, Sint Gabriël en Sint Raphael. Hulle is ook die enigste drie engele wat by die naam in die Heilige Skrif genoem word. Die fees van al drie aartsengele word op 29 September gevier. In die "ou" kerkkalender was 29 September as Feesdag aan Sint Michael gewy gewees, terwyl Sint Gabriël  s'n op 24 Maart (die dag voor die Aankondiging) en Sint  Raphael s'n op 24 Oktober onderskeidelik gevier was. Gemeenskappe wat die Buitengewone Vorm van die Romeinse Rite vier, gedenk nog steeds die drie Feeste apart.

Die Engel van die Here het aan Maria, die boodskap gebring ...

 "In die sesde maand is die engel Gabriël deur God gestuur na Nasaret, 'n dorp in Galilea, na 'n maagd wat verloof was aan 'n man met die naam Josef, uit die nageslag van Dawid. Die maagd se naam was Maria."  (Lukas 1:26-27)

Anders as mense wat 'n gemeenskaplike wese deel, leer Sint Thomas van Aquino dat elke engel,  'n suiwer en unieke geestelikewese is. Dit is hulle mate van ooreenkoms met God en Sy Goddelike Gees wat onderskei hulle, eerder as die materiële verskille wat dit moontlik maak om individuele mense te identifiseer. Nietemin kan hulle steeds in groepe geklassifiseer word: Die groepe word kore genoem en word bepaal volgens die Engelse se geestelike onderlinge ooreenkomste en die missies wat God aan hulle toevertrou het.

Die naaste aan God vind ons die geestelikewesens van die hoogste kore, die Serafyne, Gerubyne en Trone; aan die teenoorgestelde kant en die naaste aan die mensdom, en die geestelikekwesens, meeste soos ons in gees, vind ons die sogenaamde laer kore. Onder hulle tel die Aartsengele en Engele, wat dien as Meerdere en Mindere Boodskappers van God (Grieks, aggelos) vir die mensdom.

Ons beskik oor die name van drie van die sewe Aaartsboodskappers, Migael, Rafael en Gabriël, wie in die Heilige Skrif genoem word. Sint  Rapahel identifiseer homself as een van sewe wat voor die troon van God staan (Tobit 12:15). Die name van die ander vier aartsengele word nie aan ons gegee om te weet nie, en die Kerk verbied ons om enigeen behalwe die drie wie se name in die Skrif geopenbaar is, by naam aan te roep.

Van Sint Thomas van Aquino het ons die volgende hiërargiese lys van die nege engekore ontvang; 'n lys van die tradisionele name uit Hebreeus en Grieks wat weer deur Sint Hieronimus in die Latynse Vulgaat ongeneem is. 

• Serafyne (Jesaja 6:2, 6, seraphin) 
• Gerubyne (Gen. 3:24, Heb. 9:5, cherubin) 
• Trone (Kol. 1:16, throni) 
• Heerskappy (Kol. 1:16, Ef. 1:21, dominationem) 
• Deugde (Ef. 1:21, virtutem) 
• Magte (Rom. 8:38, Ef. 1:21, potestatem) 
• Owerhede (Kol. 1:16, Ef. 1:21, principatum) 
• Aartsengele (Op. 12:7, Judas 9, archangelus)
• Engele (meer as 300 verwysings, angelus) 

 Pous Sint Johannes Paulus II het hieromtrent gesê: "[St. Gabriël se] naam beteken: 'my krag is God' of 'krag van God', asof om te sê dat die hoogtepunt van die skepping, die menswording, die hoogste teken van die almagtige Vader is." 

Sint Gabriël is die beskermheilige van telekommunikasiewerkers, radio-uitsaaiers, poswerkers en boodskappers 

Sint Migael word verskeie kere in die Bybel by naam genoem. Sy naam kom die eerste keer in die boek Daniël voor waar hy "een van die hoofvorste" genoem word (Daniël 10:13). In die boek van Judas word hy spesifiek 'n aartsengel genoem,

In die Boek Openbaring (12:7-9), lees ons die volgende: 

 7En daar het oorlog uitgebreek in die hemel: Migael en sy engele het teen die draak oorlog gevoer. Die draak en sy engele het ook oorlog gevoer, 8maar was nie sterk genoeg nie – daarom was daar nie meer vir hulle plek in die hemel te vind nie. 9Die groot draak, die slang van weleer, wat Duiwel en Satan genoem word, die verleier van die hele bewoonde wêreld, is toe uitgegooi. Hy is op die aarde neergegooi, en saam met hom ook sy engele. 

 In die boek Daniël word twee aartsengele: Migael en Gabriël genoem. In hierdie Ou Testamentiese boek lees ons dat die Aartsengel Gabriël, Daniël se visioene uitgelê of geinterpreteer het.

Gabriël is egter veral bekend vir sy rol in die Nuwe Testament. Sagaria, ' n Joodse priester, en sy vrou Elisabet kon nie kinders hê nie, en Elisabet was verby die vrugbare jare van swangerskap. Sint Gabriël het Sagaria genader terwyl die priester wierook in die tempel gebrand het. Die engel het gesê, "Moenie bang wees nie, Sagaria, want jou gebed is verhoor, en jou vrou Elisabet sal vir jou 'n seun baar, en jy sal sy naam Johannes noem" (Lukas 1:13). Sagaria het Gabriël  se woorde betwyfel. In antwoord hierop het die aartsengel gesê:  Daarop antwoord die engel hom: “Ek is Gabriël , wat in die teenwoordigheid van God staan. Ek is gestuur om met jou te praat en hierdie goeie boodskap vir jou te bring. Ek sê vir jou: Omdat jy my woorde, wat op hulle vasgestelde tyd in vervulling sal gaan, nie geglo het nie, sal jy stom wees. Jy sal nie kan praat nie, tot op die dag waarop hierdie dinge gebeur.”  (Lukas 1:19-20). Die kind wat vir Sagaria en Elizabeth gebore is, was Johannes die Doper.

Die Engel Gabriël  het ook aan die Maagd Maria by die Aankondiging van die Here se Geboorte (Feesdag: 25 Maart) verskyn. Die Lukas-evangelie beskryf die verskyning volledig in die 1ste Hoofstuk verse 26 tot 38: 

"26In die sesde maand is die engel Gabriël deur God gestuur na Nasaret, 'n dorp in Galilea, 27na 'n maagd wat verloof was aan 'n man met die naam Josef, uit die nageslag van Dawid. Die maagd se naam was Maria. 28Die engel het na haar gegaan en gesê: “Gegroet, begenadigde vrou! Die Here is met jou!”

29Sy was verward oor die woorde en het gewonder wat hierdie groet tog kon beteken. 30Die engel het vir haar gesê:

“Moenie bang wees nie, Maria,

want jy het genade by God gevind.

31Kyk, jy sal swanger word

en aan 'n seun geboorte skenk.

Jy moet Hom Jesus noem.

32Hy sal magtig wees,

en die Seun van die Allerhoogste genoem word.

En die Here God sal aan Hom

die troon van sy voorvader Dawid gee.

33 Hy sal vir ewig oor die nageslag van Jakob regeer.

Aan sy heerskappy sal daar geen einde kom nie. ”

34Maar Maria het vir die engel gesê: “Hoe kan so iets moontlik wees, aangesien ek nie gemeenskap met 'n man het nie?” 35Die engel het haar geantwoord:

“Die Heilige Gees sal oor jou kom

en die krag van die Allerhoogste

sal jou oorskadu.

Daarom sal die Kind wat gebore word, heilig wees;

Hy sal Seun van God genoem word.

36“Kyk, Elisabet, 'n familielid van jou, is ook swanger, en sy verwag 'n seun ten spyte van haar hoë ouderdom. Alhoewel sy vroeër as onvrugbaar beskou is, is sy reeds ses maande swanger, 37 want geen woord wat van God af kom, is kragteloos nie.” 38Toe sê Maria: “Kyk, ek is die diensmeisie van die Here. Mag met my gebeur volgens u woord.” En die engel het van haar af weggegaan."